(Note: In urdu, the full-moon-night is called Chaand-Raat. In hindi,
it is same as Poornimaa)
meraa badan to jaise jalane lagaa tha.
mainne apane kaanpate haathon se apani jacket ke button dhoondhe. do
button kisi tarah mil paaye aur mainne un donon ko khol diyaa. phir
mere haath thak gaye aur meri god mein baith kar aaraam karane lage.
mere chaand ne dagmagaate huye jaa kar kuchh switches on-off kiye.
kuchh lights bujheen. kuch nayi jaleen. kamare ki har deewaar par
alag-alag rang ki halki roshani bikhar gayi. kahin se kuchh laser
beams bhi nikalin aur kisi cheez par reflect ho-ho kar poore kamare
mein ek jaal banaane lageen. lights neeche hi ujaalaa de rahi theen.
false ceiling par seedhi roshani nahin pad rahi thi aur usamein bane
chaand-taare chamak rahe the. to usane planetorium lagaa rakhaa thaa.
sofe ki kursi ke aaspaas, jahaan main baithaa thaa, andheraa ho gayaa,
par phir pahale se bhi zyaadaa roshani phail gayi, par ab yah roshani
thode se hi area mein thi. mainne dekhaa ki waisaa hi ujaalaa usake
bed par phailaa thaa.
jab wo switches se hataa ho room kisi discotheque ki tarah lag rahaa
thaa. mujhe lagaa ki abhi har taraf se khoobsoorat, adhnangi, sexy
ladakiyaan nikal aayengi aur naachengi. mujhe lagaa ki ye lights
dancing bhi hongi, par filhaal ye jal-bujh nahin kar rahi thin.
usane jaa kar saamane ka darawaazaa lagaayaa. usakaa lock apane aap lag gayaa.
phir usane kitchen ki light band kari. phir jaa kar peechhe ke
darawaaze ke bagal ki khidaki par pardaa pooraa kheench diyaa.
phir mere chaand ne apani us qaatil lather jacket ki zip kholi aur
phir donon baanhon ko phailaa kar use utaar diyaa. lather jacket
kapadon ke usi dher par gir gayi. wo ek baniyaan-cum-T-Shirt pahane
thaa jisaki gol neck gale tak thi. sleaves bilkul nahin theen. usaki
donon baanhein kandhon tak khuli dikh rahi theen.
wo dheere-dheere chalate huye aa kar mere bagal mein khadaa ho gayaa.
wo TV dekhane lagaa. mainne bhi TV par nazar daali.
tab jaa kar mainne dhyaan diyaa ki abhi tak meri nazarein us par hi
chipaki huyi theen. main usake chehare, baanhon aur baaki badan ko
nihaar rahaa thaa. na jaane kab se. main usake bhare seene ko, usaki
patali kamar ko, usaki skin-tight jeans mein usake.... (To be continude.....)
0 comments:
Post a Comment